Kryetari i Odës Ekonomike të Kosovës, Lulzim Rafuna, ka pritur në takimin e parë Drejtorin Ekzekutiv të Odës Ekonomike Amerikane në Kosovë, Arian Zeka, me të cilin diskutoi për thellimin e bashkëpunimit në mes të Odës Ekonomike të Kosovës dhe Odës Ekonomike Amerikane në Kosovë në interes të biznesit vendor, thuhet në një komunikatë për medie, transmeton arbresh.info.
Kryetari Rafuna u shpreh mirënjohës për bashkëpunimin e deritanishëm me Odën Ekonomike Amerikane në Kosovë dhe mirëpriti mundësitë për të thelluar këtë bashkëpunim.
Gjatë takimit u diskutua edhe për sfidat dhe nevojat e biznesit në Republikën e Kosovës si dhe promovimin e mundësive për tërheqje të investimeve të huaja në vendin tone, thuhet tutje në këtë komunikatë.
Kryetari i Odës Ekonomike të Kosovës, Lulzim Rafuna, dhe Drejtori Ekzekutiv i Odës Ekonomike Amerikane në Kosovë, Arian Zeka, u pajtuan që të kenë takime të rregullta me bizneset e dy odave për identifikimin e çështjeve me të cilat përballet sektori privat në Kosovë, avokim të përbashkët për përmirësimin e klimës së të bërit biznes në Kosovë, si dhe tejkalimin e barrierave në tregtimin përtej kufijve./arbresh.info/
Ferrari prezanton makinën më të fuqishme të historisë së tij
Qëndrimi i Harrisit dhe i Trumpit për Kosovën, faktorë për v...
Cilat janë përfitimet e dushit të ftohtë?
Zëdhënësi i ushtrisë izraelite: Sinwar po përpiqej të arrati...
Edon Zhegrova, i pari me driblime në Champions League
Moska, sulm hibrid Shqipërisë?